ប្រែសម្រួល៖ ស-សម្បត្តិ

ប្រធានាធិបតីសហរដ្ឋអាមេរិក ដូណាល់ ត្រាំ បានមានប្រសាសន៍កាលពីថ្ងៃអាទិត្យ (ថ្ងៃទី៩ ខែមីនា) ថា រដ្ឋបាលរបស់លោកកំពុងទំនាក់ទំនងជាមួយក្រុមចំនួនបួនផ្សេងគ្នាអំពីការលក់វេទិកាប្រព័ន្ធផ្សព្វផ្សាយសង្គមដែលជាកម្មសិទ្ធិរបស់ចិន គឺ TikTok ហើយថាជម្រើសទាំងអស់គឺល្អ។

វាសនារបស់ TikTok បានស្ថិតក្នុងភាពមិនប្រាកដប្រជា ចាប់តាំងពីច្បាប់មួយដែលតម្រូវឱ្យម្ចាស់របស់ខ្លួន ByteDance ត្រូវតែលក់វាដោយផ្អែកលើមូលហេតុសន្តិសុខជាតិ ឬប្រឈមនឹងការហាមឃាត់ បានចូលជាធរមាននៅថ្ងៃទី១៩ ខែមករា។ លោក ត្រាំ បន្ទាប់ពីចូលកាន់តំណែងនៅថ្ងៃទី២០ ខែមករា បានចុះហត្ថលេខាលើបទបញ្ជាប្រតិបត្តិមួយដែលស្វែងរកការពន្យារពេល ៧៥ ថ្ងៃនៃការអនុវត្តច្បាប់នេះ។

នៅពេលត្រូវបានសួរថាតើនឹងមានកិច្ចព្រមព្រៀងលើ TikTok ក្នុងពេលឆាប់ៗនេះឬអត់ លោក ត្រាំ បានប្រាប់អ្នកយកព័ត៌មាននៅលើយន្តហោះ Air Force One ថា “វាអាចកើតឡើង”។

“យើងកំពុងទាក់ទងជាមួយក្រុមចំនួនបួនផ្សេងគ្នា ហើយមនុស្សជាច្រើនចង់បានវា… ទាំងបួនគឺល្អ” លោកបានបន្ថែម។

TikTok និង ByteDance មិនបានឆ្លើយតបភ្លាមៗចំពោះសំណើសុំមតិរបស់ Reuters ក្រៅម៉ោងធ្វើការធម្មតាទេ។

ភាពចលាចលនៅ TikTok បានទាក់ទាញអ្នកទិញសក្តានុពលជាច្រើន ដែលរួមមានម្ចាស់ក្រុម Los Angeles Dodgers អតីត លោក Frank McCourt ដែលបានបង្ហាញចំណាប់អារម្មណ៍ក្នុងអាជីវកម្មដែលកំពុងរីកចម្រើនយ៉ាងឆាប់រហ័ស ដែលអ្នកវិភាគប៉ាន់ប្រមាណថាអាចមានតម្លៃរហូតដល់ ៥០ ពាន់លានដុល្លារអាមេរិក៕

ប្រភព៖ Reuters/fh